– नीलिमा पुन
भाइ तिम्रो मुहार हेर्ने
आमालाई साह्रै धोको छ रे
त्यही धोको पुरा नहुँदा
आमाको मन रोएको छ रे
फर्कन भाइ अब त
आमाको आँखा बस्नै थालिसक्यो
तिमीले आमा भनेको सुन्ने पनि
आमालाई साह्रै धोको छ रे
त्यही धोको पूरा नहुदा
आमाको मन रोएको छ रे
फर्कन भाइ अब त
आमाकाे कान नसुन्ने हुन थालिसक्यो
तिमीसँगै बसेर खाने
आमालाई साह्रै धोको छ रे
त्यही धोको पुरा नहुँदा
आमाको मन रोएको छ रे
फर्कन भाइ अब त
आमाको हातखुट्टा नचल्ने हुन थालिसक्यो
तिमीसँगै रमाउने
आमालाई साह्रै धोको छ रे
त्यही धोको पूरा नहुँदा
आमाको मन रोएको छ रे
फर्कन भाइ अब त
आमाको रहर मर्न थालिसक्यो
तिमीसँग सँगै बस्ने
आमालाई साह्रै धोको छ रे
त्यही धोको पुरा नहुँदा
आमाको मन रोएको छ रे
फर्कन भाइ अब त
आमाको आश मर्न थालिसक्यो
तिमीलाई भन्ने धेरै कुरा
आमाको मनमा बाँकी छन् रे
त्यही भन्न नपाउदा
आमाको मन रोएको छ रे
फर्कन भाइ अब त
आमाको बाेलि सुक्न थालिसक्यो
तिम्रो काखमा मर्ने
आमालाई ठुलो धोको छ रे
त्यही धोको मनमा रहँदा
आमाको मन रोएको छ रे
फर्कन भाइ अब त
आमाको सास रोकिन थालिसक्यो
साभार: रातो लालटिन डटकम
