सरकार पक्षपाति, धर्म पनि पक्षपाति

रुकुमका गिरी प्रसाद बुढा लामो समयदेखि दु:खी गरिवहरुको पक्षमा कलम चलाउँछन् । कविता, गजल रचना तथा विभिन्न प्रगतिशिल साहित्य लेखन बुढाको रोजाई हो । उनले समय समयमा विभिन्न कविताहरु फेसबुकको आफ्नो वालमा कविता प्रस्तुत गर्ने पनि गरेका छन् ।

हालै मात्रै उनले फेसबुक मार्फत नेपाली समाजमा भएका अन्धकार, अन्याय, अत्याचारका विरुद्ध एउटा कविता वाचन गरेको भिडियो पोष्ट गरेका छन् । कविताको पहिलो हरफ मै उनले कैयौं मन्दिर र मुर्ति बनायौं फूलपाति भेटी चढायौं, भोकै भक्तिका आलाप लगायौं तर धर्मले धनीहरुको पक्षमा नै काम गरेको बताएका छन् ।

त्यस्तै दोश्रो हरफमा उनले देश, समाज निर्माणका लागि हामीले निधारबाट पसिना बगायौं, कैयौं पटक रगत बगायौं, त्यो रगतको पोखरीमा हाहाल खेल्दै टाठाबाठाहरु ठूला ठालू भए तर सर्वधारारणहरुको उन्नती नभएको भन्दै वर्तमान राज्यव्यवस्था माथि बुढाले गतिलो गरी प्रहार गरेका छन् ।

अझै पनि नेपाली समाजमा देशको माया गर्नेहरु रहेको तथा राष्ट्र र राष्ट्रियताको लागि ज्यान दिन तयार रहनेहरु रहेको कविता मार्फत जोड दिएका छन् । साथसाथै उनले आन्दोलनको नेतृत्व पंतीहरुले पटक पटक धोक दिएको र विदेशीहरुको पक्षमा काम गरेकाले सजग रहन समेत जोड दिएका छन् ।

राजनीतिमा कानुन् कैयौं पटक फेरिए, सत्ताधारीहरु फेरिए तर दु:खी गरिबहरुको अवस्था नफेरिएकोमा बुढा अत्यन्तै चिन्तीत छन् । सरकार पक्षपाति, धर्म पक्षपाति यो सबैको समस्या रहिरहेसम्म गरिखाने वर्गले मुक्ति नपाउने घुमाउरो प्रकारले बुढाले प्रस्तुत गरेका छन् ।

धनी कै पक्षपाती हुन्छन् सरकार जति

---

https://www.youtube.com/watch?v=3As-L4O96ME&feature=youtu.be