टेकराज भुसाल(टेकु)
बुटवल । अर्घाखाँची अखिल नेपाल महिला संघकी केन्द्रीय अध्यक्ष मिना पुनले अहिलेको सरकारले जनमतको दुरुपयोग गरेको जिकिर गर्नुभएको छ । बहुदल पछिकै दुइ तिहाइ मत प्राप्त सरकारले जनअपेक्षा अनुसार काम गर्न नसक्दा जनमतको दुरुपयोग भएको उहाँको ठहर छ ।
“संघीयता राष्ट्रिय विखण्डन र प्रतिगमनको खतराका विरुद्ध संघर्ष गरौं, महंगी, भ्रष्टचार, हत्या, हिंसा र बलात्कारको अन्त्य गरौं’ भन्ने मुल नाराका साथ राष्ट्रिय जनमोर्चा अर्घाखाँचीले मंगलवार सन्धिखर्क शान्ति वंगैचामा आयोजना गरेको विरोध सभालाई सम्वोधन गर्दै अध्यक्ष पुनले यस्तो ठहर गर्नुभएको हो । “नेपाली जनतामाथी कु गर्ने राणा हट्यो, राजा हट्यो, गणतन्त्र स्थापना पछि जनताका प्रतिनिधि भन्नेहरुको पनि व्यबहार परिवर्तन हुन सकेको छैन” अध्यक्ष पुनले भन्नुभयो ।
आज देशमा सामाजिक अराजकता बढ्दै गएको छ, हत्या, हिंसा, बलात्कार र महंगीले सिमा नाघ्दा समेत सरकार मुकदर्शक बनिराखेको छ’ उहाँले अगाडि थप्नुभयो “कम्युनिष्ट भन्ने सरकारकै पालामा देशमा विकृति बढ्नु विडम्वना हो ।” यसका विरुद्ध सरकारले शसशक्त कदम चाल्न जरुरी भएको पुनले बताउनु भयो ।
अध्यक्ष पुनले नेपाली जनताको लामो संघर्ष र बलिदानीले मुलुकको व्यवस्था परिवर्तन भएपनि सत्ताधारीको व्यबहार परिवर्तन हन नसक्दा मुलुकमा भ्रष्टाचार र अराजकताले प्रसय पाएको दाबी गर्नुभयो ।
पूर्व सभासद समेत रहनुभएकी अध्यक्ष पुनले पटक पटक मुलुकको बाग्डोर समाल्ने सत्ताधारीकै झुकाव र वैदेशिक हस्तक्षेपका कारण देशको राष्टियता गम्भिर खतरामा पुगेको भन्दै जर्वजस्ती लादिएको संघियता खारेज नभए मुलुक नरहने उद्घोष समेत गर्नुभयो । संघीयता नेपालीको माग र नेपालको आवस्यकता भन्दा बाहिरको बिषय हो,जसको परिणामले आज जनताको ढाड सेक्नेगरि कर र महगीं बृद्धि भएको छ ,उहांले भन्नुभयो,प्रादेशिक संरचना खारेज गरि स्थानिय तहलाई सम्पन्न शाली बनाएमा देशमा शान्ति र समृद्धिको आधार तयार हन्छ ।
निर्मला हत्या प्रकरणमा सरकारले नै घटनालाई लुकाउन खोजेका कारण अपराधीले उन्मुक्ति पाउने र निर्मलाले न्याय नपाउने त्रास बढ्दै गएको उहांको धारणा छ ।सयौंको संख्यामा राष्टिय जनमोर्चाको नेता तथा कार्यकर्ताले सन्धिखर्क मसाल बजारबाट नाराजुलुस सहित शान्ति बगैचामा पुगेर सभामा परिणत भएको कार्यक्रममा राष्टिय जनमोर्चाका नेता शेर बहादुर वि.सी.,सागर के.सी., झविलाल थापा,अखिल नेपाल किसान महासंघका केन्द्रीय महासचिव कृष्ण के.सी.,अखिल छैठौंका केन्द्रीय उपाध्यक्ष देवेन्द्र कुंवरले मन्तव्य राखदै मुलुकमा महगीं र कर बृद्धि हुनुमा संघियता नै मुख्य बाधक भएकोले संघियताको खारेजीको विकलप नभएको बताउनुभएको छ ।
राष्ट्रिय जनमोर्चाका जिल्ला अध्यक्ष थम्मन के.सी.को अध्यक्षता, उपाध्यक्ष गोपाल पौडेलको स्वागत मन्तव्य र सचिव बाबुराम पन्थीको सञ्चालनमा कार्यक्रम अगाडि बढेको थियो ।
अखिल नेपाल महिला संघंकी केन्द्रीय उपाध्यक्ष सकुन्तला राना, अखिल नेपाल राष्टिय यातायात मजदुर युनियनका केन्द्रीय अध्यक्ष गोविन्द विसी, अखिल नेपाल वुद्धिजीवी संघका नेता जिवनारायण खनाल, अखिल नेपाल युवक संघका वैकल्पिक केन्द्रीय सदस्य कृष्ण खनाल, अखिल नेपाल जनजाति सम्मेलनकी केन्द्रीय सचिव उषा पुन, जातिय समता समाज अर्घाखाँचीका अध्यक्ष राजेन्द्र नेपाली, प्रगतिशिल पत्रकार संघका केन्द्रीय सदस्य श्याम प्रसाद घिमिरे लगायतको अतिथ्यता रहेको कार्यक्रममा रक्तिम साँस्कृतिक अभियानका कलाकारले प्रस्तुत गरेको राष्टभक्ती गितले सहभागीलाई थप उत्साहित तुल्याएको थियो ।
