काठमाडौं । खानेपानी मन्त्री बीना मगरले आगामी असोजभित्रमा मेलम्चीको पानी काठमाडौं ल्याउने प्रतिबद्धता व्यक्त गर्नुभएको छ ।
रिपोटर्स क्लब नेपालद्वारा २०७४ चैत्र ७ गते आयोजित साक्षात्कारमा मन्त्री मगरले आगामी दशौभित्रमा मेलम्चीको पानी काठमाडौं ल्याउने गरी काम गर्न निर्देशन दिएको बताउनुभयो ।
‘केही दिनदेखि मेलम्चीको काम रोकिएको रहेछ, मैले त्यहाँको भ्रमण गरेर तत्काल काम अगाडि बढाउन निर्देशन दिएको छु, अब २५ दिनभित्रमा सुन्दरीजल र दशैंसम्ममा काठमाडौँमा मेलम्चीको पानी आउँछ’–मन्त्री मगरले भन्नुभयो ।
मन्त्रालयले जतिसक्दो चाँडो राजधानी काठमाडौंंमा गै तराई– मधेश, पहाडी र हिमाली जिल्लामा समेत सरसफाइ अभियान सञ्चालन गर्दै २०७५ साललाई राष्ट्रिय सरसफाइ वर्षको रुपमा घोषणा गर्ने मन्त्री मगरको भनाइ छ । मन्त्री मगरले आगामी एक/दुई वर्षमा वाग्मती र विष्णुमतिलाई सफा गरी पर्यटकीय क्षेत्र बनाउने बताउनुभयो ।
लक्ष्मी चौधरी
