डेरावस्सी ३० सितम्बर । मूल प्रवाह अखिल भारत नेपाली एकता समाज सुदुर पश्चिमोत्तर क्षेत्रीय समितिद्वारा सञ्चालित डेराबस्सी नगर समितिको आयोजनामा १ दिने प्रशिक्षण कार्यक्रम सम्पन्न गरिएको छ ।
नगर सचिव मिलन श्रेष्ठको सञ्चालनमा तथा श्याम धिमालको अध्यक्षतामा सम्पन्न कार्यक्रममा विभिन्न अतिथिहरुको आशन ग्रहण पछि ज्ञात अज्ञात शहिदहरु प्रति १ मिनट मौनधारण पश्चात काजीमान राईले स्वागत गर्नुभएको थियो । त्यसपछि सो प्रशिक्षणको उद्घाटन मूल प्रवाहको केन्द्रीय सदस्य दिनेश खडकाले मोमबत्ती बालेर गर्नुभएको थियो । समारोहमा नेपाली समाचारका सम्वाददाता खिमराज चालिसे, मूल प्रवाह महिला विभागका दिलमाया लुइटेल र सुनिता डांगी लगायतले शुभकामना दिनुभएको थियो ।
सो प्रशिक्षण कार्यक्रममा केन्द्रीय सदस्य दिनेश खडका र नेपाली समाचारका सम्वाददाता खिमराज चालिसेले मूल प्रवाहको इतिहास र मूल प्रवाहको आवश्यकता बारे, दृष्टिकोण बारे, संगठनात्मक पद्धति बारे र भारतस्थित नेपालीहरुको समसामायिक समस्या बारे लगायतका विषयमा प्रशिक्षण दिनुभयको थियो । कार्यक्रमको अन्त मा आयोजक समितीका सहसचिव गोविन्द भुसालले सवैलाइ धन्यवाद मन्तव्य दिनुभयको थियो ।
