साउन ३१, दोहा–कतार । कतार नेपाली एकता समाजको पाचौं राष्ट्रिय सम्मेलनको लागि पुर्व उपप्रधानमन्त्री तथा राष्ट्रिय जनमोर्चाका अध्यक्ष चित्र बहादुर केसी कतार आइपुग्नु भएको छ । कतार नेपाली एकता समाजको आगामी बक्र इदमा हुन गैरहेको पाचौं राष्ट्रिय सम्मेलनलाई सम्बोधन गर्न केसी कतार आउनु भएको हो । समाजका अध्यक्ष लुमकान्त पुन मगर लगायत समितिका पदाधिकारी शुभचिन्तकहरुले हमाद अन्तर्राष्ट्रिय एअरपोर्टमा केसीलाई भब्य स्वागत गरेका थिए । कार्यक्रमको तयारी अन्तिम चरणमा पुगेको कार्यक्रम संयोजकले जानकारी गराउनु भएको छ ।
दोहाको सालिमार होटेलमा सम्पन्न हुने उक्त कार्यक्रमको लागि सम्बन्धित निकायसम्म पत्राचार गरि सकेको बताइएको छ । कारणबस पत्र नपुगेको खण्डमा यसै समाचारलाई आधारमानी कतारमा स्थापित सामाजिक, बैचारिक, संघ संस्था तथा बुद्धिजीवी, विद्यार्थी, व्यवसायी पत्रकार, सुभेच्छुकहरुमा गरिमामय उपस्थितिको लागि हार्दिक अनुरोध सहित समितिले आग्रह गरेको छ ।
