बहराइन । बहराइन नेपाली एकता समाज अन्तर्गत “खेलकुद बिभागद्वारा बिदेशस्थित नेपाली युवाहरूलाई सचेत र संगठित गरांै, युवाहरूमा भएको कला, क्षमताको बिकास गरौं” भन्ने मूल नाराका साथ अस्करको खेल मैदानमा सम्पन्न भएको छ ।
खेलकुद कार्यक्रमको अध्यक्षता बहराइन नेपाली एकता समाज अध्यक्ष धनबहादुर कार्कीले र सञ्चालन सल्लाहकार एलबि राना मगरले गर्नुभएको थियो । खेलकुद बिभागका संयोजक साथै बहराइन नेपाली एकता समाजका वरिष्ठ सल्लाहकार तेजमान सिंजालीले उपस्थिति दर्शक खेलाडीहरूलाई स्वागत गर्नु भएको थियोे ।
बहराइनमा विभिन्न ठाउँबाट खेलको प्रतिनिधित्व गर्दै आउनु भएका चौध टिमको सहभागिता रहेको थियो । अन्तर्राष्ट्रिय नेपाली एकता समाजका केन्द्रीय सदस्य देबनारायण पोख्रेलले तालिको गडगहाड साथ खेलको उद्घाटन गर्नु भएको थियो । विभिन्न राजनैतिक संगठनका प्रतिनिधिहरुले सुभकामाना दिनु भएको थियो ।
खेल बहराइनस्थित आम नेपालीहरुको उत्साहजनक उपस्थितिमा खेलाडीहहरु बिच कडा प्रतिस्पर्धाका साथ प्रथम म्यादी उद्दार समितिले र दोस्रोमा लांघाली समाज बहराइनले हात पारेको थियो ।
बिजेता र उपबिजेताका खेलाडी साथिहरुलाई अध्यक्षद्वारा पुरस्कार, कप, मेडेल, प्रमाण पत्रहरु प्रदान गरिएको थियो ।
कार्यक्रमको अन्तमाः खेलाडी र उपस्थित दर्शकलाई प्रमुख अतिथि देब नारायण पोख्रेल, एकता महिला बिभाग कि अध्यक्ष बिस्नु ठकुरी, एकता समाज बहराइनकी सल्लाहकार गिता नेपाली, जनसम्पर्क समितिका अध्यक्ष पदम गुरुङ, जनप्रगतिशिल मोर्चाका महासचिव मिनराज नाथ, वरिष्ठ समाजसेवी गम गुरुङका साथै एनआरएन, नेपाली कलब म्यादी उद्दार समितिका प्रतिनिधिले पनि शुभ कामाना दिनु भएको थियोे ।
