कोलकाता, १३ मई । मूल प्रवाह अखिल भारत नेपाली एकता समाज कोलकाता नगर समितिको एघारौं सम्मेलन सम्पन्न भएको छ ।
१२ मईका दिन उद्घाटन बन्दसत्र सम्पन्न पश्चात दोश्रो दिन घोषणा सभा राखिएको थियो । सम्मेलनको उद्घाटन केन्द्रीय सदस्य साथै पुर्वी भारत क्षेत्रीय समितिका अध्यक्ष हेम कुमार थापाले गर्नुभएको थियो ।
दोश्रो दिनको घोषणा सभाको सञ्चालन हरि प्रसाद शर्माले गर्नुभएको थियोे । धन बहादुर भुसालको अध्यक्षता र अथितिहरुको आशन ग्रहण पश्चात सहिदहरुको संझनामा एक मिनेट मौनधारण गरिएको थियो । दशरथ खत्रीको स्वागत मन्तव्य व्यक्त गरे पछि नगर कार्यकारिणीको घोषणा हरि प्रसाद शर्माले गर्नुभएको थियो ।
जसमाः अध्यक्ष– धन बहादुर भुसाल, उपाध्यक्ष– बिन्दा लामा, सचिव– राम बहादुर जिसी, उपसचिव– दशरथ खत्री र कोषाध्यक्ष– पुर्णबहादुर थापा रहेका छन् । त्यस्तै सदस्यमाः गोबिन्द पाण्डे, सदस्य नारायण क्षेत्री, सदस्य पदम सिंह मर्साङदी, सदस्य देबिका गुरुङ, बैकल्पिक सदस्य होम बहादुर खत्री र दिपक शाही रहेका छन् । त्यस्तै सम्मेलनले मन्जित सिंह, शुरबिर थापा र गणेश केसीलाई सल्लाहकार चयन गरेको छ ।
नवनिर्वाचित समितिलाई हेम कुमार थापा र रामबहादुर जिसीले बधाई तथा सफल कार्यकालको शुभकामना दिनुभएको थियो ।
