कमरै कसी खूकूरी भिरेर

• केशव गाहा पाल्पाली

फाटेर गयो तस्विर तिम्रो आँशुले भिजेर
पठाउ प्यारी एउटा अर्को तिमीले खिचेर
१
हाँसेर सधै साथमा बस्न दिएन कर्मले
बिदेश पसी रूदैछु आज यो छाति पिटेर
२
मरेछु भने अर्कैको देशां नरूनु तिमीले
बाँचेछु भने ल्याउँला साडी मैले नी किनेर
३
के गरौं प्यारी यस्तैछ हाम्रो देशको हालत
गरीब लाई दिएन बस्न दुष्टले मिलेर
४
सत्तामा बस्ने शोषक लाई भएन नमासी
आउँकि क्याहो कमरै कसी खूकूरी भिरेर ।