तीजको शुभकामना

0
480
  • जुना चालिसे (चंडीगढ)

सुन्नु होला दिदीवहिनी सुन्नुहोला दाजुभाई ।
महिला नगर विभागको स्वागत सवैलाई ।।

एकरथका दुइ पांग्रा नारी पुरुष समान ।
दुई हजार पचहत्तर तीजको शुभकामना ।।

मूल प्रवाहको झण्डा मुनि गोलवन्द भएर ।
उठौं जुटौं नारी हामी एकजुट भएर ।

राम्रो काम गर्नुपर्छ देशको भलो हुने काम ।
तब मात्र इतिहासमा लेख्न सक्छौं नाम ।।

जन्मेदेखि नारी हामीलाई शोषण र दमन ।
गरौ कुरा अधिकारका हुन्न नारी सहन ।।

आधा आकाश आधा धर्ती ओगटेका हामी हौं ।
मौका पाए देशको मुहार हामीले फेर्ने छौं ।।

पढाई लेखाइ अंश लाउँदा हाम्लाई पछि पारियो ।
देशको विकास गर्ने ठाउँमा पछि सारियो ।।

सगरमाथा शिखरमा पुगे हेर नारी हो ।
अन्तरिक्ष पुगिसके कैयन धेरै नारी हो ।।

गयो चलन सतिजाने गयो घुम्टो ओडनेको ।
विचमै खुट्टा नतान है नारी अघी बढनेको ।।

मन्दिरमा देवी भनि गर्छन पुजा नारीको ।
इज्जÞत र सम्मान छैन ज्युदा हामीको ।।

भाषणमै चेलीलाई हकको कुरा गरिन्छ ।
घरघरमै शोषण दमन हाम्लाई गरिन्छ ।।

शोषण दमन भएको छ चेली तिम्ले हेरिदेउ ।
छोराछोरी फरक देख्ने सोंचलाई फेरीदेउ ।।

भन्दा खेरी भनिन्छ है पृथ्वी नै आमा हुन् ।
उहि ठाउँका सन्तान अब किन फरक हुन् ।।

क्रान्ति त्यसै आउँदैन लडन हामी पर्ने छ ।
होइन भने पुँजीवादले राज गर्ने छ ।।

जनताको रगत माथी होली खेल्ने पुँजीवाद ।
ल्याउनै पर्छ नारी हामीले जनवादी राज ।।

दलित, महिला, गरिव हामी सबै जुटेर ।
माक्र्सवादी नारा लगाउँ नारी अब उठेर ।।

शान्ति होला जनतालाई संघीयता फालेर ।
हिडछांै नारी पक्कै एकदिन राको वालेर ।।

शोषण र दमनको गर्नै पर्छ सामना ।
यो गीतलाई अन्त गर्छु लालसलाम ।।

LEAVE A REPLY

Please enter your comment!
Please enter your name here