दाङ । राष्ट्रिय जनमोर्चा राप्ती गाउँपालिका वडा नं. ३ को मसुरियामा असोज ३० गते चाडपर्व मिलन कार्यक्रम सम्पन्न भएको छ । राजमो राप्ती गाउँपालिकाका अध्यक्ष केशवराज खनालको अध्यक्षता, लेलसमा बेल्वासेको सञ्चालन र राप्ती गा.पा. राजमो उपाध्यक्ष ठाकुर प्रसाद आचार्यको स्वागतमा सम्पन्न सो कार्यक्रमका राजमो केन्द्रीय कार्यकारी अध्यक्ष रश्मिराज नेपाली प्रमुख अतिथि रहनु भएको थयो ।
कार्यक्रममा अखिल नेपाल बुद्धिजीवी सङ्घका केन्द्रीय पूर्व महासचिव शशिधर भण्डारी, अखिल नेपाल किसान महासङ्घ केन्द्रीय सदस्य प्रेम नारायण आचार्य, अखिल नेपाल जनजाति सम्मेलनका केन्द्रीय उपाध्यक्ष हनुमान चौधरी, अखिल नेपाल शिक्षक सङ्घका केन्द्रीय उपाध्यक्ष तारा बेल्वासे, रक्तिमका महासचिव नारायण योगी, अखिल नेपाल युवक सङ्घका केन्द्रीय सदस्य चित्र एमसी, अखिल (छैठौं) दाङका अध्यक्ष ध्रुर्व बेल्वासे, अखिल नेपाल महिला सङ्घ दाङकी उपाध्यक्ष कमला बेल्वासे, प्रगतिशील प्राध्यापक सङ्घ दाङका अध्यक्ष रामकृष्ण पौडेल, अखिल नेपाल शिक्षक सङ्घ दाङका जिल्ला अध्यक्ष भानु जिएम, राजमो गढवाका अध्यक्ष कपिलदेव खनाल, राजमो दाङका सल्लाहकार नरबहादुर केसी, मूल प्रवाह अखिल भारत नेपाली एकता समाजका रामचन्द्र पौडेल, प्रगतिशील पत्रकार सङ्घ दाङका कृष्ण प्रसाद आचार्य, सामुदायिक वन उपभोक्ता महासङ्घका केन्द्रीय सदस्य डिलाराम पौडेल र मकै सुपरजोन लमहीका सञ्चालक समितिका संयोजक हुकुम बहादुर बस्नेतको समेत आतिथ्यता रहेको थियो ।
बागलुङ, राष्ट्रिय जनमोर्चा बागलुङ नगर समितिले २०७५ असोज २९ गते बडादशैं, तिहार र छठपर्वको अवसरमा शुभकामना आदानप्रदान कार्यक्रम सम्पन्न गरेको छ । कार्यक्रममा राष्ट्रिय जनमोर्चाका केन्द्रीय सदस्य लक्ष्मी बास्कोटा, अखिल नेपाल युवक सङ्घका पूर्व केन्द्रीय अध्यक्ष तिलक थापा, अखिल नेपाल ट्रेड युनियन महासङ्घ (अन्टुक) का केन्द्रीय सदस्य विष्णु अधिकारी, अखिल नेपाल राष्ट्रिय उद्योग व्यापार सङ्घका टेक बहादुर क्षेत्री, राजमो बागलुङ नगर समितिका सदस्य इन्द्र खत्री लगायतको आतिथ्यता रहेको थियो । कार्यक्रम राजमो बागलुङ नगर समितिका अध्यक्ष थानेश्वर सुवेदीको अध्यक्षता र नगर कोषाध्यक्ष आशा केसीको सञ्चालनमा सम्पन्न भएको थियो ।
त्यस्तै, राजमो जैमिनी–९ पैयुाथन्थापले असोज ३० गते शुभकामना आदानप्रदान तथा जनभेटघाट कार्यक्रम पैयुथन्थापको लाम्सुमा सम्पन्न गरेको थियो । कार्यक्रमका राजमो गण्डकी प्रदेश सांसद तथा प्रदेश मामिला सभापति कृष्ण थापा, राजमो बागलुङका अध्यक्ष अमर थापा, अखिल नेपाल युवक सङ्घका पूर्व केन्द्रीय अध्यक्ष तिलक थापा, राजमो जैमिनीका नगर अध्यक्ष डिलबहादुर श्रीस लगायतको आतिथ्यता रहेको थियो । कार्यक्रममा अखिल नेपाल जनजाति सम्मेलनका केन्द्रीय सदस्य लाल बहादुर पुन, राजमो बागलुङका नगर अध्यक्ष तथा जिल्ला सदस्य थानेश्वर सुवेदी, अखिल नेपाल युवक सङ्घ बागलुङका जिल्ला सदस्य यम पुन, वडा सदस्यहरु शान्तकला शर्मा, विष्णुकला दर्जी, नविन थापा, दिलिप थापा, समाजसेवी दिपेन्द्र थापाको पनि आतिथ्यता थियो । कार्यक्रम राजमो जैमिनी–९ पैयुँ वडा समितिका अध्यक्ष मेघराज शर्माको अध्यक्षता, वीरेन्द्र थापाको सञ्चालन र शान्तकला शर्माको स्वागतमा सम्पन्न भएको थियो ।
कार्यक्रममा राजमोमा प्रवेश गर्नु हुने नेपाली काङ्ग्रेस पैयु थन्थापका पूर्व सचिव दलबहादुर राना, नेकपाका कृष्णबहादुर थापा लगायतलाई सांसद कृष्ण थापाले अविर र फूलमालाले स्वागत गर्नु भएको थियो ।
