केशव गाहा पाल्पाली
घोटालै घोटालाले पीड़ित छ मेरो देश
भ्रष्टाचारी नेताले पीड़ित छ मेरो देश
बुद्ध सीता भृकुटी जन्मेको गर्व के गर्नु
बढ्दो हत्या हिंसाले पीड़ित छ मेरो देश
शब्द शब्दमा झुट बोलेर हिडने नेताको
भाषण र नाराले पीड़ित छ मेरो देश
मंत्री बनेका नेतालाई दिल्ली पुग्नै पर्ने
छिमेकीको आज्ञाले पीड़ित छ मेरो देश
काम खोज्दै युवा परदेश धाउनै पर्ने
बेरोजगारी समस्याले पीड़ित छ मेरो देश ।
।।
